Tarıhta alǵash ret baılyǵy 200 mlrd dollardan asqan adam anyqtaldy
NUR-SULTAN. Qaz-Aqparat. – Álemdegi eń baı adam – Amazon kompanııasynyń basshysy Djeff Bezos tarıhta baılyǵy alǵash ret 200 mıllıard dollardan asqan mıllıarder atandy, dep habarlaıdy QazAqparat Forbes jýrnalyna silteme jasap.
Degenmen mıllıarder bul kórsetkishte uzaq tura almady. Sársenbi kúngi reıtıng boıynsha, onyń baılyǵy 199,7 mıllıard dollarǵa baǵalanǵan. Qalaı desek te, mundaı baǵalaýdyń ózi – Bezos úshin jańa rekord.
Bul jaǵdaı Amazon aktsııalary qunynyń turaqty ósip otyrýyna baılanysty. Seısenbi kúni ol 1,18%-ǵa, ıaǵnı bir danasy 3346,49 dollarǵa deıin ósse, kompanııany kapıtaldandyrý 1,68 trıllıon dollarǵa deıin kóterilgen. Basylymnyń habarlaýynsha, Bezosqa Amazon aktsııalarynyń 11,1%-y tıesili jáne ol 2017 jyldan bastap Forbes-tyń eń baı adamdar reıtıngin bastap keledi.
Amazon – álemdegi eń iri onlaın-satýshylardyń biri. AQSh-tan bólek, kompanııa Kanada, Qytaı, Brazılııa, Japonııa jáne Eýropa elderinde jumys isteıdi. Amazon.com ınternet-dúkeni 1995 jyldyń shildesinde ashylǵan bolatyn.
