Tarıhta alǵash ret afroamerıkalyq New York Times gazetiniń bas redaktory boldy
ASTANA. QazAqparat - Amerıkalyq New York Times gazeti kenetten atqarýshy redaktor Djıll Abramsonnyń qyzmetten ketýi týraly habarlady. Ol 2011 jyldan osy qyzmette bolǵan. Bul týraly «Bı-bı-sı» jazady.
60 jastaǵy Abramson New York Times gazetiniń redaktsııalyq ujymyn basqarǵan tuńǵysh áıel bolǵan.
Onyń ketýi jóninde qyzmetkerlerge baspager, New York Times kompanııasynyń basshysy kishi Artýr Sýltsberger habarlaǵan. Ol Abramsonnyń nelikten qyzmetten ketkenin aıtpady.
«Men New York Times-ta óz isin jaqsy biletin álemniń eń úzdik jýrnalısterimen qýana jumys istedim», - delingen Djıll Abramsonnyń málimdemesinde.
Abramson tez arada óz ornyn bosatatyny, onyń ornyn Pýlıttser syılyǵynyń ıegeri Dın Baket basatyny aıtylady.
57 jastaǵy Baket Los Angeles Times-tiń burynǵy redaktory bolǵan. New York Times-tyń 162 jyldyq tarıhynda alǵash ret afroamerıkalyq gazet redaktsııasyn basqarmaq.
Reuters agenttigi habarlaǵandaı, Sýltsberger Abramsonnyń ornyn basatyn adamnyń atyn aıtqan kezde gazet redaktsııasy shapalaqtaryn aıamaǵan.
