Tarıhshy-ǵalymdardyń uıǵarymymen stýdentter Qazaqstan tarıhy boıynsha memlekettik emtıhandy 1-shi emes, 3-shi kýrsta tapsyratyn boldy

Bul týraly atalmysh ınstıtýttyń aqparattyq qyzmetinen málim etti. 

Otandyq tarıhty oqytýda qazirgi zamannyń bilim talaptaryna saı týyndaıtyn problemalar, Qazaqstan tarıhy kýrsyn oqytýdyń mazmuny men pishinin ózgertýdi jáne keshendik sharalardy ázirleýdi qajet etetin ózekti máselege aınalyp otyr.

Osyǵan oraı Qazaqstan Respýblıkasy Bilim jáne ǵylym mınıstrliginiń bastamasymen Memleket basshysynyń «Qazaqstannyń áleýmettik jańǵyrtylýy: Jalpyǵa Ortaq Eńbek qoǵamyna qaraı 20 qadam» atty maqalasynda berilgen tapsyrmalardyń 27-tarmaǵyndaǵy is-sharalar josparyn júzege asyrý maqsatynda 2012 jyldyń 30 shildesinde Qazaqstan Respýblıkasy Bilim jáne ǵylym mınıstriniń buıryǵymen bekitilgen jumys toby quryldy.

Qazaqstannyń belgili ǵalym-tarıhshylary, joǵary jáne arnaıy orta oqý oryndarynyń oqytýshylary men mektep muǵalimderinen qurylǵan  jumys tobynyń jumysyn Memleket tarıhy ınstıtýtynyń dırektory, tarıh ǵylymdarynyń doktory, professor B.Ǵ. Aıaǵan basqardy.

Jumys tobyna qysqa merzim ishinde 2012 jyldyń 1 qarashasyna deıin oqý oryndarynda Qazaqstan tarıhy kýrsyn oqytýdyń mazmuny men pishinin ózgertý boıynsha naqty keshendik sharalardy ázirleý júktelgen bolatyn.

Jumys tobynyń otyrysy 2012 jyldyń  qyrkúıek aıynyń 24 men 27  juldyzynda Qazaqstan Respýblıkasy Bilim jáne ǵylym mınıstrliginiń tikeleı jetekshiligimen jáne onyń belsendi ókilderiniń qatysýymen ótti.

Jumys tobynyń aldyna qoıǵan mindetti sheshý úshin, onyń quramyna  kirgen ǵalymdar, atap aıtqanda t.ǵ.d., professor B.Ǵ. Aıaǵan, Ál-Farabı atyndaǵy QazUÝ professory, t.ǵ.d. Q.M. Atabaev, Aqtóbe memlekettik pedagogıkalyq ınstıtýtynyń professory, t.ǵ.d. N.A. Abdollaev, L.N. Gýmılev atyndaǵy EUÝ professory, t.ǵ.d. G.M. Kákenova, M.Áýezov atyndaǵy OQMÝ professory B.K. Saparbaev, t.ǵ.d., professor Z.O. Dúkenbaeva, S.Toraıǵyrov  atyndaǵy PMÝ professory S.N. Mamytova jáne t.b. Qazaqstan tarıhy boıynsha oqýlyqtar men oqý quraldaryna, oqýlyq josparlaryna tyńǵylyqty saraptama jasady. Saraptama qorytyndysy boıynsha, birqatar usynystar qabyldandy.

Sarapshylar Qazaqstan tarıhy boıynsha memlekettik emtıhandy  joǵary oqý oryndarynyń úshinshi kýrsynda ótkizý kerek dep uıǵardy. Óıtkeni, birinshi kýrsta tapsyrylatyn emtıhannyń tarıhı bilimniń mazmuny men rólin tereń uǵynýǵa, otansúıgishtik qasıetke tárbıeleý men azamattyq ustanymyn qalyptastyrýǵa septigin tıgizeri az. Keshegi mektep qabyrǵasyndaǵy oqýshy, gýmanıtarlyq pánderdiń barlyq jıyntyǵyn qamtymaıynsha, Qazaqstannyń áleýmettik - ekonomıkalyq, qoǵamdyq - saıası jáne mádenı damýy boıynsha máselelerge tereń de, maǵynaly jaýap bere almaıdy.

Qazaqstan tarıhy boıynsha tapsyrylatyn memlekettik emtıhan stýdenttiń alǵan biliminiń jıyntyǵyn ǵana aıqyndamaı, sonymen birge óziniń kózqarasyn, azamattyq ustanymy men saýatty sóıleý mádenıetin de kórsete bilýi kerek. Búgingi kúni keńinen taralǵan emtıhandy testileý ádisi boıynsha ótkizý, ataýlardy, derekterdi, tsıfrlardy, kóptegen oqıǵalardyń merzimin saqtaýda tarıhı bilimniń qunsyzdanýyna alyp keledi. Bul degenimiz, birinshi kezekte stýdentterdiń óz eliniń tarıhyn oqyp bilýge  degen yqylasy men Otan tarıhyna degen qyzyǵýshylyǵyn tómendetedi.

Jumys tobynyń májilisi Qazaqstan Respýblıkasy Bilim jáne ǵylym mınıstri B.T. Jumaǵulovpen kezdesýmen aıaqtaldy.

Kezdesý barysynda mınıstr elimizde Qazaqstan tarıhyn  reformalaý men naqty sharalar ázirleýde jumys tobynyń atqarǵan aýqymdy qyzmetin atap ótti. Oqý oryndarynda Qazaqstan tarıhyn oqytýdyń problemalaryn sheshýde jáne otandyq tarıh ǵylymyn damytýda qosqan úlesteri men nátıjeli jumystary úshin  sarapshylarǵa alǵysyn bildirdi .

Májilis sońynda tarıhshy ǵalymdar B.T. Jumaǵulovtyń Qazaqstan Respýblıkasy Bilim jáne ǵylym mınıstri laýazymyna qaıta taǵaıyndalýymen quttyqtady.