Tarıhshy b.z. I ǵasyryndaǵy monetadan Hrıstostyń shynaıy beınesin taýyp alǵan
ASTANA. QazAqparat - Aǵylshyn tarıhshysy jáne Іnjil zertteýshisi Ralf Ellıs Iısýs Hrıstostyń shynaıy beınesi b.z. I ǵasyryna tıesili qola monetada beınelengen dep sendirýde.
Búgingi kúnge deıin dıametri 24 mm quraıtyn monetadaǵy saqaldy adam Maný hanǵa - zamanaýı Túrkııanyń ońtústik-shyǵysynda ornalasqan Osroen (Edessa) memleketiniń bıleýshisine tıesili dep eseptelip keldi.
Ellıstiń 30 jylǵa jýyq sozylǵan zertteýiniń nátıjesi boıynsha, b.z. І ǵasyrynyń orta tusynda bılik etken VI Maný han men Iısýs Hrıstos bir adam bolyp shyqty, dep habarlaıdy Daily Mail.
Tarıhshy Maný men Hrıstostyń ómirbaıanyn zerttep, kezdeısoq emes sáıkestikter men uqsastyqtardy tapqan. Ellıstiń pikirinshe, osy bir adam keıin kele «Izas Maný han» jáne «Iısýs Emmanýıl» esimderimen tanylǵan.
Iısýs Hrıstos batys mádenıetinde keńinen beınelengen tulǵa bolyp tabylady, alaıda birde-bir derekkózde, sonyń ishinde Іnjilde de onyń syrtqy kelbeti sıpattalmaǵan. Uzyn shashy bar, aq kıimdi onyń klassıkalyq beınesi b.z. VI ǵasyryna tıesili.
59 jastaǵy Ellıs óz tujyrymdaryn «Iısýs, Edessa hany» atty kitabynda baıandaǵan.
