Tarıhshy álemde alǵash ret krest joryǵy týraly 700 jyl buryn jazylǵan traktatty aýdarǵan
ASTANA. QazAqparat - Novosibir tarıhshysy álemde birinshi bolyp latyn tilinen krest joryǵy týraly 700 jyl buryn jazylǵan traktatty aýdardy.
Mátinniń maǵynasyn ashý úshin 7 jyl ketti, dep habarlady TASS Novosibir memlekettik ýnıversıteti ejelgi dúnıe jáne orta ǵasyrlar tarıhy gýmanıtarlyq fakýlteti zerthanasynyń meńgerýshisi Valentın Portnyhqa silteme jasap.
"Qasıetti krestiń nasıhaty týraly" - bul ýaǵyzshylar ordeniniń besinshi bas magıstri Gýmbert Romanskııdiń traktaty", - dedi ol.
Nasıhat krest joryǵyna jáne dinı án aıtýǵa shaqyrýmen aıaqtalady. Ǵalymnyń pikirinshe, Gýmbert eńbegi ýaǵyzshylardy turǵyndar arasynda krest joryǵyna degen jaqsy qarym-qatynasty jolǵa qoıýǵa úgitteýge, eriktilerdi tabý men sadaqa jınaýǵa baǵyttalǵan.
Portnyhtyń sózine qaraǵanda, buryn Gýmbert traktaty buryn da belgili bolǵan, alaıda tarıhshylar onyń 1266 jáne 1268 jyldary aralyǵynda jazylǵanyn aıtýmen ǵana shektelgen.
