Tarıhqa jańa kózqaras bolý úshin jańa derekter bolýy kerek - akademık Málik Asylbekov
ALMATY. 24 mamyr. QazAqparat /Erlik Erjanuly/ - Tarıhshylar úshin qazir eki til bilý jetkiliksiz. Bul jaıynda búgin Almatyda ótip jatqan «Otan tarıhy jáne mádenı muralardyń ózekti máseleleri» dep atalatyn jas ǵalymdardyń ІІ Respýblıkalyq ǵylymı konferentsııasynda aıtyldy.
Jańa tarıh - Otan tarıhy ǵylymy azattyq jyldarynda ıdeologııalyq erkindik aldy.
«Jas ǵalymdar konferentsııasynyń óz jalǵasyn tabýyn óz basym bir jaqsylyqtyń nyshany dep oılaımyn. Qazir joǵary oqý oryndarynda ǵylymı-zertteý ortalyqtary qurylýda. Alaıda olar negizinen stýdentterdi oqytý men ǵylymǵa daıarlaýmen aınalysady. Sondyqtan naǵyz ǵylym osyndaı qara shańyraqtarda bolady. Tarıhqa jańa kózqaras bolý úshin jańa derekter bolýy kerek. Oıdan shyǵarǵan jalań kózqaras turaqty bolmaıdy », - deıdi QR UǴA akademıgi, tarıh ǵylymynyń doktory, professor Málik Asylbekov. Shoqan Ýálıhanov atyndaǵy tarıh jáne etnologııa ınstıtýtynyń
Tarıhı demografııa jáne qazirgi áleýmettik protsester bóliminiń jetekshi ǵylymı qyzmetkeriniń aıtýynsha, tarıhshylarǵa 2 til bilý jetkiliksiz. Olar ásirese arab, parsy, qytaı tilderin bilýi kerek. Jańa kózqaras bolý úshin jańa derekterdi tabý kerek.
