Tarıhı júlde: Qazaqstan quramasy voleıboldy otyryp oınaýdan álem chempıonatynda qola medal aldy
ASTANA. KAZINFORM - Qytaıdyń Hanchjoý qalasynda 10–17 shilde aralyǵynda voleıboldy otyryp oınaýdan álem chempıonaty ótti.
Álemdik dodaǵa erler arasynda 16 ulttyq qurama qatysty. Qazaqstan quramasy S tobynda Brazılııa, Horvatııa jáne Irak komandalarymen synǵa túsip, toptyq kezeńdi ekinshi orynmen aıaqtaý arqyly pleı-off kezeńine joldama alǵan bolatyn.
Nátıjesinde 1/8 fınalda otandastarymyz Polsha quramasyn 3:0 esebimen aıqyn jeńse, shırek fınalda Rýanda quramasyn da 3:0 esebimen utty.
Týrızm jáne sport mınıstrligi málimetinshe, jartylaı fınalda qazaqstandyq komanda álemniń eń myqty komandalarynyń biri – Irannan 0:3 esebimen jeńildi. Úshinshi oryn úshin ótken tartysty kezdesýde qazaqstandyq sportshylar Brazılııa quramasyn 3:2 esebimen jeńip, álem chempıonatynyń qola júldesin ıelendi.
Para voleıboldan álem chempıonatynda Qazaqstan quramasy qola júlde úshin talasatynyn jazǵan edik.
