Tarıhı júlde, FIDE-niń TOP reıtıngi: qazaqstandyq shahmatshylar 20 mln teńge syıaqy alady

ASTANA. KAZINFORM – FIDE álemdegi úzdik shahmatshylardyń reıtıngin jańartty. Qazaqstandyq shahmatshylar álemniń úzdik oıynshylarynyń 5 reıtıngi boıynsha TOP-10 qataryna kirdi. Al Bıbisara Asaýbaeva eki birdeı reıtıngte kósh bastady.

Bıbisara Asaýbaeva qyzdar arasyndaǵy blıts boıynsha TOP-100 úzdigi atandy. Odan bólek, úzdik ondyq qatarynda Merýert Kamalıdenova (4 oryn), Alýa Nurman (6 oryn) jáne Ksenııa Balabaeva (10 oryn) bar.

Rapıd boıynsha FIDE reıtınginde aldyńǵy orynda Bıbisara Asaýbaeva, taǵy bir qazaqstandyq shahmatshy Merýert Kamalıdenova tórtinshi orynǵa turaqtady.

Aıta ketsek, qazaqstandyq shahmatshylar 2024 jyldyń qazan aıynda TOP 100 GIRLS reıtıngine endi. Bıbisara Asaýbaeva ekinshi, Merýert Kamalıdenova segizinshi jáne Alýa Nurman onynshy bolyp úzdik atandy.

Rapıd pen blıts boıynsha áıelderdiń eresekter reıtınginde (TOP 100 WOMEN) tek Bıbisara Asaýbaeva ǵana bar.

Eske salsaq, shahmattan Qazaqstan áıelder quramasy Majarstan astanasy Býdapeshte ótken 45-shi Olımpıadanyń kúmis júldegeri atandy. 

Prezıdent elimizge tarıhı júlde ákelgen shahmattan áıelder quramasyn quttyqtady.