Tarıhı jeńisten keıin Kóktóbe munarasy «Qaırattyń» túsine boıaldy
ALMATY. KAZINFORM – «Qaırat» óz alańynda «Seltıkti» penaltı arqyly jeńip, UEFA Chempıondar lıgasynyń toptyq kezeńine alǵash ret shyqty.
Qazaq fýtboly úshin mańyzdy jeńisten keıin Ortalyq stadıonǵa jınalǵan jankúıerler uzaq ýaqyt tarqamaı, án aıtyp, urandatyp júrdi. Al qala sımvoldarynyń biri – Kóktóbe munarasy «Qaırat» fýtbol klýbynyń túsine boıalyp, onda komandanyń emblemasy kórsetildi.
Eske salaıyq, «Qaırat» pen «Seltık» arasyndaǵy eki oıynda 0:0 esebi tirkeldi. Sondyqtan match qosymsha kezeńge ulasty. Qosymsha kezeńde jeńimpaz anyqtalǵan joq. Penaltı serııasynda «Qaırat» úzdik shyǵyp, Chempıondar lıgasynyń negizgi kezeńine joldama aldy.
Oıynnan keıin «Qaırattyń» bas bapkeri Rafael Ýrazbahtın almatylyq komandanyń tarıhı jeńisine baılanysty pikir bildirdi.