Tarıhı jeńis: qazaqstandyq avtokomanda álem chempıony atandy
ASTANA. KAZINFORM — Artline Kazakhstan komandasy Lamborghini Super Trofeo serııasynyń álemdik fınalynda top jaryp, tarıhı jetistikke qol jetkizdi.
Italııanyń Mısano avtodromynda ótken baıraqty básekede Shota Abhazava men Egor Orýdjev Pro-Am sanatynda óner kórsetti. Olar 50 mınýtqa sozylǵan tartysty dodada aldyńǵy qatardan kórinip, jarys aıaqtalýǵa 16 mınýt qalǵanda kósh bastady.
Alaıda qarsylastar kólikteriniń soqtyǵysýyna baılanysty jarys «Safety car» rejımine ótip, barlyq qatysýshynyń jyldamdyǵy shekteldi. Bul komandanyń basymdylyqty ulǵaıtý múmkindiginen aıyrdy. Sońǵy mınýttarda otandastarymyz qarsylasqa jol berip, máre syzyǵyn ekinshi bolyp kesti.
Qorytyndysynda tóreshiler aldyńǵy orynda kelgen eki komandaǵa ereje buzǵany úshin aıyp ýaqytyn qosty. Sol sebepti, Artline Kazakhstan komandasyna 10 sekýnd aıyp ýaqyty qosylyp, olar tórtinshi orynǵa syrǵydy.
Qazaqstandyq taraptyń shaǵymynan keıin tóreshiler sheshimi qaıta qaralyp, Artline Kazakhstan komandasy fınaldyń jeńimpazy dep tanyldy.
Aıta keteıik, buǵan deıin Artline Kazakhstan komandasy Eýropa fınalynda ekinshi oryn alǵan bolatyn.