Tarıhı jeńis: Dinmuhamed Raıymqulov frıstaıl-akrobatıkadan álem chempıony atandy
ASTANA. KAZINFORM - Frıstaıl-akrobatıkadan Qazaqstan quramasynyń sportshysy Dinmuhammed Raıymqulov Almatyda ótip jatqan jasóspirimder arasyndaǵy álem chempıonatynda altyn medal jeńip aldy, dep habarlaıdy Olympic.kz.
Sportshy 97.11 upaı jınap, úshinshi aralyq nátıjemen fınaldyq altylyqqa ótti. Dál osyndaı upaıdy irikteý kezeńinde kanadalyq Ellıot Bıýregar da jınaǵan bolatyn. Al irikteýden keıingi kóshbasshy Qytaı sportshysy ıÝıhen ıAn boldy – 101.79 upaı.
Fınaldyq oryndaýynda Dinmuhammed 104.52 upaı jınap, tóreshilerdiń sheshimimen jeńiske jetti.
Ekinshi oryndy Qytaılyq ıÝıhen ıAn (101.79), al qola medaldi taǵy bir qytaılyq sportshy Chjıchen ıAn (94.82) ıelendi.
Aıta keteıik, Qazaqstan quramasy atalmysh sport túrinen alǵash ret altyn medalǵa ıe boldy.
Osyǵan deıin Qazaqstan quramasy frıstaıl-mogýldan jasóspirimder arasyndaǵy álem chempıonatyn úsh medalmen aıaqtaǵanyn jazdyq.