Tarıhı tulǵalardy kózi tirisinde-aq qurmetteý úırenshikti tájirıbe- Ǵosman Tóleǵul

ASTANA. QazAqparat - Tarıhta esimderin altyn áriptermen qaldyrǵan tulǵalardy kózi tirisinde-aq qurmettep, áýejaı, oqý oryndary men basqa da mańyzdy oryndarǵa esimderin berý álemde bul úırenshikti tájirıbe, oǵan Parıj, Nıý-Iork, Ystambul jáne kóptegen qalalardyń halyqaralyq áýejaılary dálel. Bul pikirdi Qazaqstan halqy Assambleıasy ǵylymı-sarapshylyq keńesiniń múshesi, Aqmola oblysy QHA Qoǵamdyq kelisim keńesiniń tóraǵasy Ǵosman Tóleǵul bildirdi, dep habarlaıdy QazAqparat.

Onyń sózine qaraǵanda, Astana EKSPO 2017 halyqaralyq kórmesi kezinde elimizdiń halyqaralyq qaqpasy - áýejaıdyń Elbasy atymen atalýy oryndy.

«Halyqaralyq arenada Elbasynyń bedeli joǵary ekeni sózsiz, BUU Bas Assambleıasy men Qaýipsizdik Keńesiniń resmı qujaty retinde tańylǵan «Álem. HHІ ǵasyr» manıfesti, álemde alǵash bolyp ıadrolyq qarý-jaraqtan bas tartýy, elder arasyndaǵy bitimgershiliktiń oń tájirıbeleri men basqa da oń ister arqasynda tanylýda», -  dep atap ótti Ǵ. Tóreǵul.