Tarıhı telehıkaıada qytaılar qazaq dombyrasyn ıemdenip aldy
Kóp bólimnen turatyn fılmde b.z.d 1 ǵasyr dáýirindegi Qytaı Han dınastııasymen qazaq tarıhyndaǵy Úısin taıpasy arasyndaǵy tarıhı baılanys beınelengen.
Telehıkaıanyń 21-bóliminde bastapqy mınýttarynda Úısin eliniń patshasy ıaǵnı kúnbıi Eljaýdyń aldynda jańa túsken qalyńdyǵy Han dınastııasynyń hanshasy Jıe ıÝı qytaıdyń ulttyq aspabymen án aıtady. Jaqsylap qarasaq, qalyńdyqtyń qolyndaǵy mýzykalyq aspap Qazaqstannyń Memlekettik týyndaǵy kúnniń sýreti ári oıýy salynǵan qazaqtyń kádimgi dombyrasy. Ony keıipker «qytaıdyń ulttyq aspaby «Pıpa» dep tanystyrady.
Bul kórinis tez arada eldegi tanymal Sina Weibo (Týıterdiń balamasy) jáne WeChat áleýmettik jelisinde keńinen talqylanyp, qytaıdaǵy qandastarymyzdyń narazylyǵyn týdyrdy. Narazylyqtyń órshýine baılanysty, tarıhı kınony túsirýshi top Sina Weibo kelteblogynyń resmı paraqshasynda qazaq halqynan keshirim suraǵan jazbasyn ornalastyrdy.
Qytaıdyń tarıhı derekterinde «Pıpa» kóshpendi ulttar arasynda keń taralǵan mýzykalyq aspap retinde jazylady. Qytaıdyń Tan dınastııasy dáýirine deıin kóshpendilerdiń shertpeli mýzykalyq aspaptyń barlyǵyn qytaı halqy «Pıp» dep atap kelgen.
Eske sala ketsek, 42 bólimnen turatyn tarıhı telehıkaıa «Jıe ıÝı hanyshaıym» Qytaıdyń ulttyq telearnasy «Qytaı ortalyq telearnasynda» (CCTV) kórsetilýde.
