Tarıhı rekord: Almaty oblysynyń bıýdjet kirisi 1 trıllıon teńgeden asty

ALMATY. KAZINFORM — Almaty oblysy alǵash ret óz tarıhynda memlekettik bıýdjetke 1 trıllıon teńgeden astam túsim qarajat túsirdi. Bul óńir ekonomıkasynyń ósimin, salyqtyq bazanyń keńeıýin jáne kásipkerlikti qoldaý sharalarynyń tıimdiligin dáleldeıdi. Bul týraly Memlekettik kiristeri komıteti málim etti.

Óz tarıhynda alǵash ret Almaty óńiri memlekettik bıýdjettiń qazynasyna qomaqty qarajat túsirgen.

Bıylǵy kiris 1 trıllıon teńge mejesinen asqan.

Bul – oblystyń áleýmettik-ekonomıkalyq damýyndaǵy mańyzdy kezeń ári salyqtyq bazany keńeıtý jáne kásipkerlikti qoldaý sharalarynyń tıimdiligin dáleldeıdi.

Bıylǵy jyldyń 11 aıynyń qorytyndysyna nazar salsaq:

Qańtar–qarasha aılarynda 1 023,4 mlrd tg salyq pen tólemnen túsken. 

Onyń ishinde: 

• 452,8 mlrd tg — respýblıkalyq bıýdjetke

• 570,5 mlrd tg — jergilikti bıýdjetke

Ótken jyldyń sáıkes kezeńimen salystyrǵanda ósim 111,4% (+104,4 mlrd tg) qurady.

Sońǵy jyldardaǵy dınamıka

Bıýdjettiń kiris bóligi turaqty ósip keledi:

• 2021 jyly — 666,8 mlrd tg

• 2025 jyly — 1 trln tg-den asty

Bes jyl ishinde ósim 1,5 eseden asty.

Bul óńirge ne beredi?

Túsimderdiń artýy myna baǵyttardy damytýǵa múmkindik beredi:

• ekonomıkany damytýǵa,

• áleýmettik baǵdarlamalardy keńeıtýge,

• basym jobalardy iske asyrýǵa.

Aıta keteıik, Almatyda 2025 jylǵy bıýdjetke túzetý engizildi.

Almaty ekonomıka jáne qarjy basqarmasynyń basshysy Baýyrjan Qudaıbergenovtyń aıtýynsha, túzetý osy jylǵy qarjy nátıjelerine sáıkes bıýdjet qarajatyn tıimdirek bólýge múmkindik beredi.