Tarıhı otanyna kóshkisi keletin qandastar eń aldymen ne isteýi kerek

NUR-SULTAN. QazAqparat – Qazaqstanǵa qonys aýdarýdy josparlaǵan qandastar eń áýeli ne isteýi kerek? Bul suraqqa «Otandastar qory» KEAQ baspasóz qyzmeti jaýap berdi, dep habarlaıdy QazAqparat.

Qor arnaıy túsirgen vıdeorolıkke sensek, sheteldegi etnıkalyq qazaqtar eń áýeli qonystanatyn aýyl-aımaq, eldimekendi anyqtap alǵany jón.

«Siz eldiń kez kelgen óńirine kóship kele alasyz. Degenmen qandastardyń kóship kelýine basymdyq berilip, kvota qarastyrylǵan aımaqtar bar. Olar – SQO, ShQO, Pavlodar, Aqmola jáne Qostanaı oblystary. Onda tarıhı otanyna oralǵan azamattarǵa tıisti jaǵdaı jasalǵan. Qordyń saıtynda ár oblystaǵy ózińiz tańdaǵan eldimekenniń erekshelikteri, áleýmettik jaǵdaıy, ekonomıkasy, demografııalyq ahýaly jaıly aqparat jarııalanǵan» delingen málimette.

Qazaqstanǵa kóship kelýge qatysty jan-jaqty aqparatty sondaı-aq 1404 jedel jelisine habarlasyp, surap bilýge bolady.