Tarıhı otanyna 201 myń 309 otbasy nemese 789 myń 339 qazaq oraldy - komıtet tóraǵasy
ASTANA. 3 aqpan. QazAqparat /Rýslan Ǵabbasov/ - Osy ýaqytta tarıhı otanyna 201 myń 309 otbasy nemese 789 myń 339 qazaq oraldy.
Bul týraly búgin 2010 jyldyń qorytyndysy men bıylǵy jyldyń mindetterine arnalǵan Eńbek jáne halyqty áleýmettik qorǵaý mınıstrliginiń alqa májilisinde atalǵan vedomstvonyń baqylaý jáne áleýmettik qorǵaý komıtetiniń tóraǵasy Serikqalı Bısaqaev málim etti.
«Qazaqstanǵa oralmandardyń 59,6 paıyzy - Ózbekstannan, 13,9 paıyzy - Monǵolııadan, 10,1 paıyzy - Qytaıdan, 7,9 paıyzy - Túrikmenstannan, 4,3 paıyzy - Reseıden jáne 4,2 paıyzy basqa da elderden keldi»,-dedi komıtet basshysy.
S. Bısaqaevtyń sózine qaraǵanda, olardyń eń kóbi Ońtústik Qazaqstanda - 21,7 paıyzy, Almaty oblysynda - 14,7 paıyzy, Mańǵystaý oblysynda - 12,2 paıyzy, sondaı-aq Jambyl oblysynda - 9,4 paıyzy ornalasqan. «Barlyǵy 2010 jylǵa oralmandardyń kóship kelý kvotasyna engender úshin respýblıkalyq bıýdjette 8,5 mlrd. teńge qarastyrylǵan bolsa, onyń 96,4 paıyzy ıgerildi»,-dedi ol.
