Tarıhı oryndardy ıÝNESKO tizimine engizýdi pysyqtaý kerek – Altaı Kólginov

ASTANA. QazAqparat - Tarıhı muralarymyz ıÝNESKO deńgeıinde dáriptelýine nazar aýdarý kerek. Bul týraly QR Premer-Mınıstriniń orynbasary Altaı Kólginov aıtty, dep habarlaıdy QazAqparat tilshisi.

«Memleket basshysy Qazaqstandyq mádenıettiń halyqaralyq arenada tanymal bolýyna baǵyttalǵan sharalardy iske asyrýdy tapsyrdy. Osyǵan sáıkes ıÝNESKO-nyń Dúnıejúzilik muralar tizimine elimizdiń tarıhı oryndaryn, materıaldyq emes muralarymyzdy engizý jumystary jan-jaqty pysyqtalýy tıis. Halqymyz óner men mádenıettiń qaıtalanbas, aıryqsha úlgilerine (aýyz ádebıeti, kúı, aıtys, oıý-órnek, epostyq jyrlar, ulttyq sport túrleri sekildi ) baı ekeni belgili. Elimizdiń aýmaǵynda tarıhta óshpes iz qaldyrǵan mańyzdy qalalar bolǵany aqıqat», - dedi A. Kólginov Mádenıet mınıstrliginiń alqa májilisinde.

Onyń paıymynsha, osy muralarymyz muqııat zerdelenip, ıÝNESKO deńgeıinde dáriptelýi, Qazaqstannyń birtutas mádenı modeliniń úlgisi retinde álemge tanylýy mańyzdy mindet.

«Mınıstrlik osy jumystardy Ǵylym, Aqparat, Syrtqy ister mınıstrlikterimen birlese uıymdastyrýy tıis», - dedi Úkimet basshysynyń orynbasary.

Budan buryn habarlanǵandaı, Altaı Kólginov jaýapty vedomstvoǵa mádenıet saıasatynyń jańa tujyrymdamasyn bekitýge qatysty tapsyrma berdi.

2022 jyldyń sońynda qazaq mádenı murasynyń eki jańa elementi ıÝNESKO-nyń Materıaldyq emes murasynyń tizimine engizildi.