Tarıhı mýzeıde turǵan mýmııany kómgeli jatyr
ASTANA. QazAqparat - Bishkektegi Qyrǵyz memlekettik tarıhı mýzeıinde saqtaýly turǵan mýmııa antropologııalyq zertteýden keıin kómiledi, dep habarlaıdy Kabar .
Mundaı sheshim keshe, 12 qazanda mýmııany kómý jónindegi vedomstvoaralyq komıssııanyń otyrysy barysynda qabyldandy.
Qyrǵyzstan mádenıet, aqparat jáne týrızm mınıstri Túgelbaı Qazaqov atap ótkendeı, mýzeıde 60 jyldan beri turǵan mýmııaǵa antropologtar men zertteýge qajetti quraldardyń bolmaýy saldarynan ǵylymı zertteý júrgizilmeı kelgen.
Mýmııanyń sol kúıi saqtalýy úshin arnaıy balzamdaý protsedýralaryn júrgizý qajet.
