Tarıhı medal: Qazaqstan quramasy semserlesýden álem chempıony boldy
ASTANA. KAZINFORM – Gonkong qalasynda ótip jatqan semserlesýden eresekter arasyndaǵy álem chempıonatynda Qazaqstan úshin tarıhı nátıje tirkeldi, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Sanaýly sətter buryn Qazaqstan komandasy (Rýslan Kýrbanov, Erlik Sertaı, Kırıll Prohodov, Vadım Sharlaımov) fınalda Ýkraına semserlesý sheberlerimen kúsh synasty.
Bas júlde úshin bolǵan tartysty aıqas 45:40 esebimen aıaqtalyp, bizdiń tórttik Qazaqstanǵa sporttyń osy túrinen álem chempıonatynyń alǵashqy altyn júldesin syılady.
Bul Qazaqstan erler komandasy úshin jalpy álem chempıonatynyń alǵashqy fınaly. Osyǵan deıingi úzdik kórsetkish - byltyrǵy qola medal. Qazaqstan bir jyl buryn Grýzııa astanasynda ótken dodada álemdik deńgeıdegi kóshbasshy Frantsııany utyp, tarıhı qola júldege qol jetkizgen.
Qazaqstan komandasynyń búgingi jekpe-jekter nátıjesi:
Jartylaı fınal:
Qazaqstan - Mysyr 41-32
Shırek fınal:
Qazaqstan - Danııa 45:36
1/8 aınalym:
Qazaqstan - Ózbekstan 28:27
1/16 aınalym:
Qazaqstan - Fınlıandııa 45:39
Aıta keteıik, semserlesýden sapy saıysy boıynsha erler ulttyq quramasy álem reıtınginde 5-orynda tur.
Semserlesýden Qazaqstan erler komandasy álem chempıonatynyń fınalyna shyǵyp, tarıhı nátıje tirkegenin jazǵan edik.
