Tarıhı-mádenı muralar týraly zań qabyldaý qajet - Mádenıet mınıstri

ASTANA. QazAqparat - Qazaqstanda tarıhı-mádenı muralar týraly zań qabyldanýy kerek. Búgin Parlament Senatynda Qazaqstan Respýblıkasyndaǵy jańa Mádenıet saıasatynyń tujyrymdama jobasyn talqylaýǵa arnalǵan dóńgelek ústelde QR Mádenıet mınıstri Arystanbek Muhamedıuly osy máseleni kóterdi.

«Búgingi kúni bizde mádenıet salasyndaǵy quqyqtyq baza retindegi bir ǵana zań bar - bul «Mádenıet týraly» Zań. Osy qujatty jyl saıyn keńeıtip qana kelemiz, ókinishke qaraı, onda jekelegen erekshelikter qamtylmaı otyr. Sondyqtan biz eń birinshi kezekte tarıhı-mádenı muralar týraly zań qabyldansa dep tileımiz. Óıtkeni búgingi kúni osy baǵytta kóptegen múddeler qaqtyǵysy oryn alyp keledi. Máselen, arheologııalyq qazba jumystary júrip jatyr, biraq ol zań deńgeıinde rettelmegen. Jer jekeniń menshiginde. Osyndaı naqty máselelerdi retteıtin zańnyń joqtyǵynan biz kóptegen tarıhı ǵımarattardy, oryndardy joǵaltyp jatyrmyz», - dedi mınıstr.

Onyń aıtýynsha, ekinshi qajetti qujat - bul kıno týraly zań. Ondaı qujattyń mańyzdylyǵy týraly birqatar máseleler kóterilgenimen, áli naqty qadam jasalmaı keledi.