Qarmet №8 koks batareıasynyń otqa tózimdi qabatyn qalaý jumystaryn bastady
TEMІRTAÝ. KAZINFORM – Metallýrgııa kombınatynda sońǵy onjyldyqtardaǵy koks-hımııa óndirisin jańǵyrtýǵa baǵyttalǵan eń iri jobalardyń biri júzege asyrylýda. Jańa qýattar eskirgen agregattardyń ornyn almastyryp qana qoımaı, shıkizatty daıyndaýdan bastap bolat óndirýge deıingi búkil óndiristik tsıkldiń turaqtylyǵyn arttyrýy tıis.
Qarmet metallýrgııa kombınatynda №8 koks batareıasynyń otqa tózimdi qabatyn qalaý jumystarynyń bastalýyna arnalǵan saltanatty rásim ótti. Bolashaq agregattyń alǵashqy kirpishterin «Qarmet» AQ Basqarma tóraǵasy Petr Trýshın jáne ACRE Coking & Refractory Engineering Consulting Corporation kompanııasynyń bas dırektorynyń orynbasary Van Mınden qalady. Іs-sharaǵa qurylysshylar, ınjenerler, koks-hımııa óndirisiniń mamandary jáne jobany iske asyrýǵa tikeleı qatysyp jatqan kompanııa qyzmetkerleri qatysty.
Qalaý jumystarynyń bastalýy Qarmet-tiń iri ınvestıtsııalyq jobalarynyń birindegi jańa tarıhı beleske aınaldy. Kombınatta mundaı aýqymdaǵy jańa koks qýattarynyń qurylysy ondaǵan jyl ishinde alǵash ret júrgizilip otyr. Іs júzinde búginde kásiporynda 1960 jyldardan beri jumys istep kele jatqan agregattardyń ornyn basatyn koks-hımııa óndirisiniń jańa býyny qalyptasýda. №8 jáne №9 koks batareıalary kásiporyndaǵy eń zamanaýı ári ónimdiligi joǵary agregattardyń qatarynda bolady. Keshenniń jalpy jobalyq qýaty jylyna 1,5 mln tonna qurǵaq koks óndirýdi quraıdy. Jańa qýattar jobalyq kórsetkishterine shyqqannan keıin №1–4 batareıalardy kezeń-kezeńimen paıdalanýdan shyǵarý josparlanyp otyr.
«Qarmet úshin jańa koks batareıalarynyń qurylysy – shyn máninde tarıhı oqıǵa. Ondaǵan jyl ishinde alǵash ret kombınatta osyndaı aýqymdaǵy jańa koks qýattary qurylyp jatyr. Búgin biz alǵashqy otqa tózimdi qabatty qalaý jumystaryn bastap otyrmyz jáne №8 koks batareıasyn 2027 jyldyń qarasha aıynda iske qosýdy josparlap otyrmyz. Bul jobany júzege asyryp jatqan Qarmet qyzmetkerlerine, sondaı-aq kásibıligi, jaýapkershiligi jáne tereń ınjenerlik saraptamasy úshin seriktesimiz ACRE kompanııasyna alǵysymdy bildiremin», – dedi Petr Trýshın.
Jobanyń mańyzy bir óndiristik ýchaskeni jańartýmen ǵana shektelmeıdi. Koks domna óndirisiniń negizgi quramdas bólikteriniń biri bolǵandyqtan, jańa batareıalar domna óndirisin senimdi qamtamasyz etý deńgeıin arttyryp, Qarmet-tiń ózindik shıkizat bazasyn jáne búkil metallýrgııalyq tsıkldiń turaqtylyǵyn nyǵaıtýǵa tıis.
Jańa agregattar zamanaýı tehnologııalyq sheshimderdi qoldana otyryp salynýda. Koks massasynyń birkelki qyzdyrylýy daıyn kokstyń sapasyna oń áser etedi dep kútilse, gazdardy tazartýdyń zamanaýı júıesi óndiristiń qorshaǵan ortaǵa áserin tómendetýge múmkindik beredi. Eskirgen qýattardy aýystyrý avtomattandyrý, ónerkásiptik qaýipsizdik jáne óndiris tıimdiligi deńgeıin arttyryp, shyǵyndardy azaıtýǵa ári eńbek jaǵdaılaryn zamanaýı talaptarǵa saı etýge múmkindik beredi.
№8–9 batareıalardyń qurylysy úshin shamamen 55 myń tonna otqa tózimdi materıal jetkizý kózdelgen. Qoldanylatyn materıaldar joǵary temperatýra jaǵdaıynda jumys isteýge eseptelgen jáne bolashaq agregattardyń beriktigin, germetıkalyǵyn ári uzaq merzimdi paıdalanylýyn qamtamasyz etýge tıis.
«ACRE kompanııasynyń atynan osy mańyzdy oqıǵamen shyn júrekten quttyqtaımyn. Búgin №8 koks batareıasy onyń qurylysy barysyndaǵy negizgi kezeńderdiń biri sanalatyn otqa tózimdi qabatty qalaý jumystaryna resmı túrde kiristi. Qarmet kompanııasyna bildirgen senimi úshin alǵys aıtamyn. Bul jumys joǵary dáldikti, tehnologııalyq talaptardy qatań saqtaýdy jáne kásibılikti talap etedi. ACRE jáne Qarmet mamandarynyń birlesken kúsh-jigeriniń arqasynda barlyq qajetti talaptardy oryndap, bul jobany sátti júzege asyratynymyzǵa senimdimin», – dedi Van Mınden.
Sonymen qatar №9 koks batareıasynyń alańynda da qurylys jumystary qatar jalǵasýda. Onyń ishinde ınfraqurylym nysandaryn turǵyzý jáne metall konstrýktsııalardy montajdaý jumystary júrgizilip jatyr.
№8–9 batareıalardyń qurylysy kásiporyn úshin sońǵy onjyldyqtardaǵy óndiristik qýattardy buryn-sońdy bolmaǵan aýqymda jańǵyrtý jumystarynyń bir bóligi bolyp tabylady. Sonymen qatar Qarmet-te jańa sortty prokat kesheni, ystyq myryshtaý jáne polımerlik jabyndar jelisi, quıý-prokat kesheni jáne basqa da iri jobalar júzege asyrylýda. Búginde kombınat aýmaǵynda aldaǵy ondaǵan jylǵa onyń tehnologııalyq damýyn aıqyndaýǵa tıis óndiristerdiń jańa býyny qalyptasyp keledi.
