Tarıhı keseneler memlekettik múlik retinde tirkele me – vıtse-premer jaýaby

ASTANA. KAZINFORM – Elimizde 500-ge jýyq sáýlet jáne qala qurylysy eskertkishteri jeke sýbektilerdiń menshiginde. Bul jaıynda Májilis depýtattarynyń saýalyna Úkimet basshysynyń orynbasary Ermek Kósherbaevtyń jaýabynda aıtylǵan.

- Búgingi kúni qyzmetteri tarıhı-mádenı mura obektilerin qorǵaýǵa jáne basqarýǵa baǵyttalǵan 32 memlekettik uıym jumys isteıdi. Elimizde 25 myńnan astam tarıhı-mádenı mura obektileri bar ekenin eskersek, bul kórsetkishtiń tómen ekeni ras. «Tarıhı-mádenı mura obektilerin qorǵaý jáne paıdalaný týraly» Zańynyń 14-babyna sáıkes Qazaqstan Respýblıkasy, jeke jáne zańdy tulǵalar tarıhı-mádenı mura obektilerine menshik quqyǵy sýbektileri sanalady. Búgingi kúni elimizde 500-ge jýyq sáýlet jáne qala qurylysy eskertkishteri jeke sýbektilerdiń menshiginde.

Al, tarıhı keseneler jaıly aıtar bolsaq, ol – qaıtys bolǵan adamdardy jerleý oryndary jáne osy oraıda memlekettik múlik retinde tirkelmeıdi, - dedi vıtse-premer jaýabynda.

Onyń atap ótýinshe, Qazaqstan Respýblıkasynyń atynan halyqaralyq jáne respýblıkalyq mańyzy bar tarıh jáne mádenıet eskertkishterine menshik ıesiniń ókilettikterin – Mádenıet jáne aqparat mınıstrligi, al jergilikti mańyzy bar tarıh jáne mádenıet eskertkishterine jergilikti atqarýshy organdary júzege asyrady.

- Báıdibek ata, Domalaq ana keseneleri, Aqmeshit úńgiri jergilikti mańyzy bar tarıh jáne mádenıet eskertkishteriniń tiziminde bolsa, Qos ana kesenesi tarıhı-mádenı mura obektileriniń aldyn ala esepke alý tizimine engizilgen. Alaıda halyq arasynan keıbir adamdardyń olarǵa ıelik etýde. Osy oraıda Túrkistan oblysynyń ákimdigi Domalaq ana, Báıdibek ata keseneleri, Aqmeshit úńgiri boıynsha olardyń menshiktik tıesiligin ajyratý jumystaryn júrgizýde, - dedi Ermek Kósherbaev.

Buǵan deıin Qoja Ahmet ıAsaýı kesenesindegi Qabirhana bólmesiniń esigi Almatydaǵy «Qyrym araly» ǵylymı restavratsııalyq zerthanasynyń kómegimen qaıta qalpyna keltirilgenin jazǵan edik.