Tarıhı qadam - halyqaralyq qoǵamdastyq Sı Tszınpın men Ma Intszıýdiń kezdesýin joǵary baǵalady
ASTANA. QazAqparat - QKP OK Bas hatshysy, QHR Tóraǵasy Sı Tszınpın 7 qarashada Sıngapýrde Taıvan ákimshiliginiń basshysy Ma Intszıýmen kezdesý ótkizdi, onda olar Taıvan buǵazynyń eki jaǵalaýy arasyndaǵy baılanystardy beıbit damytý máseleleri boıynsha pikir almasty, dep habarlady Sınhýa agenttigi.
Qoǵamnyń ártúrli jikteriniń ókilderi, etnıkalyq qytaılyqtar men shetelderdegi qytaı emıgranttary tarıhı mańyzy zor bul kezdesýge joǵary baǵa berdi jáne kezdesý jaǵalaýaralyq qatynastardy beıbit damytýǵa járdemdesedi, álemde jáne aımaqta beıbitshilik pen turaqtylyqqa tereń yqpal etedi, degen senimderin bildirdi.
Reseıdiń RT aqparattyq agenttigi eki jaǵalaý kóshbasshylarynyń kezdesýi bir Qytaı prıntsıpi negizinde ótti, kezdesýdegi mańyzdy taqyryp eki aýdan arasyndaǵy baılanystardy beıbit damytýdy yntalandyrý boldy, dep jazdy. Bul kóshbasshylardyń 66 jyl ishindegi alǵashqy kezdesýi jáne onyń tarıhı mańyzy zor, bul Taıvan buǵazy eki jaǵalaýynyń arasyndaǵy baılanystardy damytýda mańyzdy qadam, bul olardyń arasyndaǵy baılanystarynyń keleshegimen tyǵyz baılanysty, dep atap ótedi agenttik
Frantsýzdyń BFM TV jańalyqtar telearnasy da kezdesýdiń mańyzy zor dep sanaıdy. Frans Press agenttigi Sı Tszınpın men Ma Intszıýdiń qol alysýy «tarıhı» oqıǵa dep habarlady.
Indonezııalyq saıası taldamashy Lı Chjohýeı eki jaǵalaý kóshbasshylary eki aýdan arasyndaǵy baılanystardy damytýdyń jańa paraǵyn ashty dep sanaıdy, ol Taıvan buǵazynyń eki jaǵalaýy birlesken kúsh-jigerimen beıbit birigý jaǵyna qadam basýdy jalǵastyrady degen senimin bildirdi.
Sondaı-aq Avstralııa ǵylym akademııasynyń jáne Avstralııalyq ınjenerlik akademııanyń akademıgi, Monasha Ýnıversıtetiniń prorektory ıÝı Aıbın, Výdro Vılson atyndaǵy amerıkan-qytaı qatynastary boıynsha halyqaralyq ǵylym ortalyǵy janyndaǵy G.Kıssındjer ınstıtýtynyń dırektory Robert Deılı, Qytaı-fılıppın ártúrli qoǵamdyq toptar federatsııasynyń tóraǵasy Chıýı Chjýnjýn bul kezdesýdiń tarıhı jigerlendirýshi oqıǵa ekenin atap kórsetti.
