Tarıhı eskertkishter týrısterdi tartýǵa negiz bolmaq - ákim
ASTANA. QazAqparat - Beıneý aýdanynaǵy sapary barysynda Mańǵystaý oblysynyń ákimi Eraly Toǵjanov «Aqpannyń úıigi», «Sam qalasy» jáne basqa da tarıhı-mádenı eskertkishterge at basyn tiredi. Bul týraly tumba.kz jazdy.
Kóneniń kózindeı bolǵan jádigerlerdi qyzǵyshtaı qorý kerektigi sóz boldy. Sondaı-aq, aımaq basshysy tarıhı mańyzy bar bul eskertkishterdiń týrıstik marshrýtqa engizilip, saıahatshylar jıi qatynaıtyn jerge aınalýy qajettigin qadap aıtty. «Aqpan úıigi» - osy aımaqtaǵy eń ejelgi eskertkishterdiń birine jatady. Salyný ereksheligine baılanysty, bizdiń eramyzǵa deıingi besinshi ǵasyrǵa jatqyzylady. Munda áleýmettik dárejesi joǵary adamdar jerlenip, máńgilik meken tapqan. Al, «Sam qalasy» - soltústik Ústirttegi iri saýda ortalyǵy bolǵan.
