Tarıhı antırekord: álemdik naryqta kúmis baǵasy 36%-ǵa quldyrady
ASTANA. KAZINFORM — Álemdik naryqta kúmis baǵasy 36%-ǵa quldyrap, tarıhı antırekord tirkeldi. Al altyn 12%-ǵa arzandady. Bul da sońǵy 40 jyldan astam ýaqyttaǵy baǵanyń eń aýqymdy quldyraýy bolyp otyr. Bul týraly DW jazdy.
30 qańtar kúni álemdik qymbat metaldar naryǵynda kúrt quldyraý tirkeldi. Sońǵy ýaqytqa deıin geosaıası turaqsyzdyq, soǵystar jáne AQSh Federaldyq rezerv júıesiniń jańa basshylyǵyna qatysty belgisizdik aıasynda altyn men kúmistiń baǵasy turaqty túrde ósip kelgen edi. Investorlar men ortalyq bankter altyndy qorǵanysh aktıvi retinde belsendi túrde satyp aldy.
Alaıda 30 qańtarda Donald Tramp Federaldyq rezerv júıesiniń tóraǵasy qyzmetine Kevın Ýorshty usyndy. Naryqtar bul sheshimdi boljamdy ári turaqty monetarlyq saıasattyń belgisi retinde qabyldap, qymbat metaldarǵa degen suranysty kúrt tómendetti.
Nátıjesinde altynnyń baǵasy bir ýntsııasy úshin psıhologııalyq mańyzdy sanalatyn 5000 dollar deńgeıinen tómen tústi. Baǵanyń 12%-ǵa tómendeýi altyn úshin 1980 jyldardyń basynan bergi eń iri birkúndik quldyraý boldy.
Al kúmistiń baǵasy bir kún ishinde 36%-ǵa arzandap, búkil tarıhtaǵy eń iri birkúndik antırekordty jańartty.
Eske sala keteıik, kúmistiń qymbattap bara jatqanyn jazǵan edik.