Tarıhı altyn! Qazaqstan quramasy short-trekten qysqy Azııa oıyndarynyń chempıony atandy

HARBIN.KAZINFORM – Short-trekten Qazaqstan erler quramasy Qytaıdyń Harbın qalasynda ótip jatqan ІH qysqy Azııa oıyndarynda altyn medal enshiledi.

Qazaqstan quramasy erler arasynda 5000 metrden komandalyq estafetadan chempıon atandy. Denıs Nıkısha, Gleb Ivchenko, Mersaıd Jaqsybaev jáne Ádil Ǵalıahmetov jarys jolyna shyqty.

Bastapqyda otandastarymyz úshinshi oryndy saqtady. Sońǵy aınalymdaǵy burylysta Koreıa quramasynyń sportshysy qytaılyq sportshymen soqtyǵysyp, qazaqstandyq sportshy máre syzyǵyn birinshi bolyp kesti.

Aıta keteıik, bul Qazaqstan delegatsııasynyń Harbın qysqy Azıa oıyndaryndaǵy alǵashqy altyny. Sonymen qatar, Qazaqstan quramasy osy sport túrinen Azıadada tuńǵysh ret altyn alyp otyr.

Osyǵan deıin, Qazaqstan qyzdar quramasy 3000 metrge estafetadan kúmis aldy.

Eske sala keteıik, short-trekten Qazaqstan quramasy aralas komandalyq estafetadan el qorjynyna alǵashqy kúmis júlde salǵan bolatyn.

 

Bas seriktes – «Samuryq Qazyna» UÁQ» AQ
Seriktes – Sport Qory sportty qoldaý qory