Tarıh jasaldy: Golovkın Sheremetamen jekpe-jeginen vıdeoúzindi jarııalady

NUR-SULTAN. QazAqparat – Orta salmaqtaǵy álem chempıony, qazaqstandyq Gennadıı Golovkın (41-1-1, 36 KO) Instagram-daǵy óz paraqshasynda Polsha boksshysy Kamıl Sheremetamen (21-1, 5 KO) jekpe-jeginiń úzdik sátterinen vıdeo jarııalady, dep habarlaıdy QazAqparat.

«Tarıh jasaldy» - dep jazdy GGG Sheremetamen jekpe-jekke qatysty jazbasynda.

Sondaı-aq G.Golovkın aıqastan keıingi sátteri týraly fotolarmen bólisti.

Eske sala ketsek, Golovkın Sheremetany merziminen buryn jeńip, óziniń salmaq dárejesinde rekordtyq 21-shi ret álem chempıony tıtýlyn qorǵap shyqty. Búginde qazaqstandyq boksshynyń IBF jáne IBO tıtýldary boıynsha beldikteri bar.

Osy jekpe-jekten keıin Gennadıı búgin ótetin Saýl Alvares – Kallým Smıt arasyndaǵy aıqastyń jeńimpazymen judyryqtasýǵa nıet bildirdi.