Tarıh halyqtardyń arasyn jalǵaıtyn altyn kópir — Prezıdent
ASTANA. KAZINFORM — Altyn Orda tarıhyna arnalǵan sımpozıým turaqty ótkiziletin bolady. Bul týraly elordadaǵy Táýelsizdik saraıynda ótip jatqan «Altyn Orda — dala órkenıetiniń úlgisi: tarıh, arheologııa, mádenıet, biregeılik» atty Halyqaralyq sımpozıýmda Memleket basshysy Qasym-Jomart Toqaev aıtty.
— Tarıh halyqtardyń arasyn jalǵaıtyn altyn kópir retinde ádiletti ári qaýipsiz álem qurýǵa yqpal etýi qajet. Sol úshin ortaq múdde jolyna kúsh biriktirip, birlese áreket etýimiz kerek. Bul máselede ǵylymı qaýymdastyq aıryqsha ról atqaratyny anyq. Búgingi jıynda aıtylatyn salmaqty oılar men utymdy usynystar jańa ǵylymı eńbekterge, halyqaralyq jobalar men ekspedıtsııalarǵa negiz solatyny sózsiz. Biz sımpozıýmdy turaqty turaqty túrde ótkizýdi josparlap otyrmyz. Sizder aldaǵy ýaqytta da osy mańyzdy jumysqa mol úles qosa beresizder dep oılaımyn, — dedi Qasym-Jomart Toqaev.
Osy rette Memleket basshysy búgingi sımpozıýmnyń tarıhı mańyzy aıryqsha ekenin basa aıtty.
— Osy mańyzdy jıynnyń qorytyndysy boıynsha arnaıy qarar qabyldanady. Bul qujat Altyn Ordanyń tarıhy men murasyn zertteý jumysyna tyń serpin beredi dep senemin, — dedi Prezıdent.
Prezıdent Altyn Orda sol kezeńdegi kóptegen memleketterge qaraǵanda óz damýynda strategııalyq ashyqtyq qaǵıdatyna berik bolǵanyna nazar aýdartty.
