Tarıh ǵylymdarynyń qazaqtan shyqqan tuńǵysh doktory týraly fılm túsirildi
ASTANA. QazAqparat - Qazaqstandyq rejısser Satybaldy Narymbetov qazaqta tarıh ǵylymdarynyń tuńǵysh doktory atanǵan Alash azamaty Ermuhan Bekmahanovqa arnalǵan «Amanat» atty kórkem fılm túsirdi. Basty keıipkerdi kıno jáne teatr akteri Berik Aıtjanov somdaıdy. Bul týraly kinostan.kz saıty jazady.
Fılmde belgili tarıhshy-ǵalymnyń Kenesary Qasymuly bastaǵan kóteriliske qatysty ǵylymı tujyrymdary sóz bolady. Qazaqtyń sońǵy hany týraly materıaldardy zerttep, zerdelegeni úshin E.Bekmahanov býrjýazııashyl-ultshyl ıdeologııany dóripteýshi degen jalamen aıyptalyp, 25 jylǵa sottalǵan.
Qazaq hanynyń rólin Sanjar Mádıev oınaıdy. Kartınadaǵy rólderdi sondaı-aq Quralaı Anarbekova, Erden Telemisov, Nurlan Altaev somdaǵan. Fılm kórermenderge bıyl jol tartady dep josparlanyp otyr.
