Tarıfti kóterý shyǵynǵa batqan avtoparkter jaǵdaıyn retteıdi - Rıdder qalasynyń ákimdigi
Rıdderlikter úshin 21 qańtardan bastap avtobýs jolaqysy ósedi. Qala ákimdiginiń qaýlysyna sáıkes, qoǵamdyq kólikpen qatynaý quny eresekterge 130 teńge, balalarǵa 65 teńge bolady. Al, zeınetkerler 115 teńge tóleıdi. Ekinshi dúnıejúzilik soǵys ardagerleri men múgedekterine, olarǵa teńestirilgen adamdarǵa, qaza tapqan maıdangerlerdiń jesirlerine, kontslager tutqyndaryna, qorshaýda qalǵan Lenıngrad turǵyndaryna jáne 80 jastan asqan azamattarǵa qoǵamdyq kólikpen júrý tegin.
«Ótken jyldyń tamyz aıynda qaladaǵy qoǵamdyq keńestiń bastamasymen ákimdik pen tasymaldaýshylardyń qatysýymen otyrys ótti. Onda jolaqyny kóterý qoǵamdyq kólikke qatysty týyndaǵan máselelerdi sheshýge septigin tıgizedi dep kelisildi. Tarıfti kóterý kópten beri shyǵynǵa batyp júrgen avtopark ıeleriniń jaǵdaıyn retteıdi», - dep habarlady qala ákimdiginen.
Sonyń nátıjesinde, avtobýstar jańaryp, jóndeýden ótedi.
