Tarıfterdi tómendetý boıynsha josparly jumystar jalǵasa beredi - QR IJTM
ASTANA. QazAqparat - QR Indýstrııa jáne jańa tehnologııalar mınıstrligi, Tehnıkalyq retteý jáne metrologııa komıteti Elbasy Nursultan Nazarbaevtyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty keshendi baǵdarlamalyq tapsyrmalar toptamasy aıasynda tehnıkalyq retteý salasynda tarıfterdi tómendetý boıynsha josparly jumysty jalǵastyryp otyr, dep habarlady atalǵan mekeme baspasóz qyzmetinen.
«QazMetrIn» RMK 2014 jylǵy 1 sáýirden bastap, halyq keńinen qoldanatyn ólsheý quraldarynyń birqatar toptary boıynsha metrologııalyq saraptama júrgizý protsedýralarynyń baǵalaryn tómendetti. Sonymen qatar, «Ulttyq akkredıtteý ortalyǵy» JShS akkredıtteý boıynsha qyzmetter qunyna arnalǵan tarıfterdi qaıta qarastyryp otyr. Memleket pen halyq arasynda turaqty baılanysty nyǵaıtý úshin jáne ınternet-tehnologııalar múmkindigin keńeıtý maqsatynda «Qazaqstan standarttaý jáne sertıfıkattaý ınstıtýty» RMK-nyń ınternet-dúkeni belsendi jumys isteıdi. Bıznes úshin ákimshilik kedergilerdi tómendetý saıasaty - QR IJTM Tehnıkalyq retteý jáne metrologııa komıtetiniń basym baǵyttarynyń biri. Osy baǵytta jumystar jalǵasa beredi.
