Tarıfterdi toǵyspaly sýbsıdııalaýdan birtindep bas tartý qajet – Qasym-Jomart Toqaev

NUR-SULTAN. QazAqparat – Prezıdent Qasym-Jomart Toqaev Qazaqstan halqyna Joldaýynda Ekonomıkany monopolııasyzdandyrý úshin qandaı ınstıtýtsıonaldyq sheshimder qabyldanatynyn aıtty, dep habarlaıdy QazAqparat tilshisi.

«Tarıf ınfraqurylymǵa salynǵan aqshanyń ornyna jáne ashyqtyqty qatamasyz etý úshin jumys isteıtin memlekettik monıtorıng júıesine qatysqany úshin usynylady. Jeke menshik ıesi ınvestıtsııanyń basym bóligin tarıfter esebinen emes, óz qarajatynan bólýi kerek.

Tarıf ishindegi smetanyń bir bóligin shyǵystarǵa qaıta baǵyttaý arqyly, tabystyń bir bóligin saqtap qalýǵa ruqsat berilýi qajet. Tarıfterdi toǵyspaly sýbsıdııalaýdan birtindep bas tartý qajettigi týyp otyr. Tutynýshylardyń bir bóligi úshin tarıfter ekinshi bir bólikke belgilengen ulǵaıtylǵan qyzmet aqysy esebinen tejelip keledi», - dedi Qasym-Jomart Toqaev.

Prezıdenttiń aıtýynsha, ekonomıkany ári qaraı monopolııasyzdandyrý úshin ınstıtýtsıonaldyq sheshimder qabyldanýy shart.

«Konglomerat» uǵymyn zańanama deńgeıinde anyqtaý kerek. Bir-birimen baılanysy bar naryq sýbektileri ekonomıkalyq turǵydan shoǵyrlanýǵa ruqsat alýy qajet», - dedi Memleket basshysy.

Budan buryn habarlanǵandaı, Joldaýdyń negizgi bóligi elimizdiń áleýmettik-ekonomıkalyq damýyna arnalady.

Sondaı-aq, Prezıdent Úkimettiń jumysyn synady.