Tarıfterdi negizsiz ósirgen monopolıster 5,5 mlrd teńgeni ótedi

NUR-SULTAN. QazAqparat – Tarıfterdi negizsiz ósirgen monopolıst kompanııalar halyqqa 5,5 mlrd teńge kólemindegi zalaldy ótep berdi, dep habarlaıdy QazAqparat.

QR Qarjylyq monıtorıng agenttiginen málim etkendeı, Memleket basshysynyń tapsyrmasyn oryndaý maqsatynda agenttik kommýnaldyq qyzmetterge tarıfterdi qalyptastyrýǵa áser etetin negizsiz shyǵyndardy anyqtaý boıynsha jumys júrgizip jatyr.

«16 kásiporyn men 2 laýazymdy tulǵaǵa qatysty júrgizilgen keshendi jumystardyń nátıjesinde jylýmen, elektrmen, sýmen jáne gazben qamtý salasy boıynsha sotqa deıingi 21 tergep-tekserý jumystary bastaldy.

Osy jaǵdaılardyń barlyǵy boıynsha 5,5 mlrd teńge zalal óteldi jáne 1,9 mlrd teńgeniń múlki tárkilendi», - delingen Qarjylyq monıtorıng agenttiginiń habarlamasynda.