Tarıfin kóterý esebinen qymbat kólik satyp alǵan energııa jetkizýshi kompanııa anyqtaldy - QR TMRA
ASTANA. QazAqparat - Qyzylorda oblysynda tarıfin qymbattatý arqyly elektr energııasyn jetkizýshi 11 mln. teńgege jol talǵamaıtyn kólik satyp alǵan. Bul týraly búgin QR Parlament Májilisi Áleýmettik-mádenı damý komıtetiniń otyrysynda QR TMRA tóraǵasy Murat Ospanov málim etti.
«Qyzylorda oblysyndaǵy «Shıeli jaryǵy» JShS-ni tekserý barysynda tarıfterdi kóterý esebinen 11 mln. teńgege jol talǵamaıtyn kólikti zańsyz satyp alý deregin anyqtadyq. Osy derek aıqyndalǵannan keıin biz onyń tarıfterin osyndaı kólemdegi somaǵa tómendettik»,- dedi agenttik basshysy.
Onyń sózine qaraǵanda, osyǵan uqsas jaǵdaı Shyǵys Qazaqstan oblysyndaǵy «Shyǵysenergotreıd» energııa jetkizýshi kompanııasynda da oryn alǵan.
Sonymen qatar M.Ospanov elektr energııasy naryǵyndaǵy deldaldarmen ymyrasyz kúres júrgizilip jatqandyǵyn atap ótti. Sońǵy tórt jylda energııamen jabdyqtaýdaǵy tarıfterde olardyń úlesi 8 paıyzdan nólge deıin tómendetildi.
Osy oraıda ótken jyly elektr energııasyn alyp, satqany úshin energııamen jabdyqtaý uıymdaryna 2,2 mlrd. teńge mólsherinde aıyppuldar salynǵan.
