Tárbıesi nashar jasóspirimder saq obalaryn qalypqa keltirý jumystaryna tartylady
ALMATY. Qazannyń 26-y. QazAqparat /Ádilet Musahaev/ - Almatyda «Tabıǵat» ekologııalyq Odaǵy stýdentterden jáne tárbıesi nashar jasóspirimderdi uıymdastyryp, búlingen Besshatyr obalaryn qalypqa keltirmek,
dep habarlaıdy QazAqparat.
Qazirgi ýaqytta «Tabıǵat» ekologııalyq odaǵy elimizdiń tarıhı-mádenı muralaryn qalpyna keltirý máselelerimen aınalysyp júr. Sonyń biri - «Altynemel» ulttyq saıabaǵy aýmaǵyndaǵy Besshatyr obalary. Mundaı jumystardy atqarý úshin olar kásibı mamandardan bólek erikti jastardy da tartpaq.
«Keńes úkimeti tusynda jyl sanaýǵa deıingi 5-6 ǵasyrlyq 18-ge jýyq saq patshalyǵynyń qorǵandary joıylǵan, sondaı-aq úsh qorǵan býldozermen kómilgen. Mine bizdiń qurǵan lagerdiń balalary jazǵy demalys ýaqyttarynda osyndaı joıylyp bara jatqan elimizdiń tarıhı-muralaryn qalypqa keltirý jumystarymen aınalysatyn bolady», deıdi «Tabıǵat» ekologııalyq odaǵynyń basshysy M. Eleýsizov.
