Tárbıe berý jumysy jańa júıeniń negizgi sharty bolmaq - QR Bilim jáne ǵylym mınıstri A.Sárinjipov
ASTANA. 10 qazan. QazAqparat - Mınıstrlik oqýshynyń shashyn qıyp, mańdaıyna ekilik baǵasyn jazyp bergen muǵalimniń isi týraly jaqsy biledi. Bul týraly búgin jýrnalısterge suhbat bergen QR Bilim jáne ǵylym mınıstri Aslan Sárinjipov aıtty.
Aıta keteıik, Soltústik Qazaqstan oblysy Jambyl aýdanynyń Baýman orta mektebinde jumys isteıtin algebra pániniń muǵalimi Qymbat Ásemjanova 7-synyp oqýshysy Oljas Tilegenniń kekilin qıyp tastap, «2» degen baǵany kúndeligine emes, qaq mańdaıyna jazyp bergen. Synyptastarynyń aldynda mazaqqa qalǵan oqýshy aýyl syrtyndaǵy ormanǵa qashyp ketip, jurtty biraz ábigerge salǵan. Búginde osy oqıǵaǵa qatysty tıisti sharalar qabyldanyp, mektep dırektory jumystan shyǵaryldy. Pedagogıkalyq etıkany buzǵan oqytýshy da qyzmetinen bosatyldy. «Biz ol oqıǵa jaıynda habardarmyz. Bul jaǵdaıdy esepke aldyq. Negizi, osy oraıda oqytýshylardyń biliktiligin arttyrý máselesi týyndaıdy. Bul jerde olardyń tek pándik daıyndyǵyn ǵana emes, tárbıe berýshi pedagog retindegi sheberligin de shyńdaý qajet. Jalpy, dál osy tárbıe berý jumysy júıeni (bilim berý júıesi - avt.) jańartýdyń basty sharty bolmaq. Sondyqtan pedagogtar sol talaptarǵa saı bolýy tıis», - dep atap kórsetti A.Sárinjipov.
