Tarbaǵataıdaǵy órtti sóndirýge 100 shaqty adam men tikushaq jumyldyryldy
ASTANA. KAZINFORM — Tarbaǵataı ulttyq parkinde orman órtin sóndirý jumystary jalǵasyp jatyr.
Órt anyqtalǵan sátten bastap ony sóndirýge memlekettik orman kúzetiniń qyzmetkerleri jedel kiristi.
Qazirgi ýaqytta órtti sóndirýge orman kúzeti, TJ bólimsheleri jáne jergilikti atqarýshy organdar qatarynan 96 adam, 21 tehnıka jáne «Qazavıaormanqorǵaý» RMQK-nyń tikushaǵy jumyldyryldy.
Órt aýmaǵynyń basym bóligi memlekettik orman qorynyń ormansyz jerlerine tıesili.
Órtti sóndirý jumystary 4 m/s-qa deıingi qatty jelge, taýly jer bederine jáne órt sóndirý tehnıkasy jete almaıtyn jekelegen ýchaskelerdiń qoljetimsizdigine baılanysty qıyndap otyr.
Jekelegen ýchaskelerdiń qoljetimsizdigine baılanysty «Qazavıaormanqorǵaý» RMQK-nyń tikushaǵymen árqaısysy 3 tonnadan 9 ret, jalpy kólemi 27 tonna sý tógildi.
Kúshter tobyn arttyrý maqsatynda «Semeı ormany» MLTR-dan jáne Abaı oblysy TJD-nan qosymsha kúshter men quraldar jiberildi.
Órtti sóndirý jumystaryn úılestirý úshin oqıǵa ornyna QR ETRM Orman sharýashylyǵy jáne janýarlar dúnıesi komıteti tóraǵasynyń orynbasary M. Elemesov jiberildi.
Órtti oqshaýlaý jáne joıý jumystary jalǵasyp jatyr.
Aıta ketelik Baıanaýylda ulttyq parkke qarasty jer órtengen edi.
