Tarbaǵataıda qutqarýshylar alty aılyq sábı men egiz qyzdardy órtten alyp shyqty
ÓSKEMEN. QazAqparat - Tarbaǵataı aýdanynyń órt sóndirýshileri alty jastaǵy egiz qyzdardy jáne alty aılyq náresteni órtten alyp shyqty, dep habarlaıdy «QazAqparat» HAA tilshisi óńirdiń TJ departamentine silteme jasap.
Oqıǵa Aqjar aýylynda bolǵan. Daýletpaı kóshesinde turatyn otaǵasy úıden az ýaqytqa shyǵyp ketken, al onyń jubaıy verandadaǵy kir jýatyn mashınkany qosyp, balalaryna qaraý úshin úıge kirip ketedi. Birneshe ýaqyt ótkennen keıin ol tútinniń ıisin sezedi. «Men kóshege shyqpaqshy boldym, aýladan ıis shyqty, biraq shyǵa almadym. Verandadaǵy qara tútin bet qaratpady, qoryqqanymnan esikti jaýyp qoıdym», - dedi zardap shegýshi. Áıel dereý órtke qarsy qyzmetke qońyraý shalǵan.
«Biz oqıǵa ornyna kelgenge deıin veranda otqa oranyp jatty», - dedi Aqjar órt sóndirý beketi bóliminiń komandıri Talǵat Aıtqalıev. - Qabyrǵa, úıdiń tóbesi janyp jatty. Úıden esik arqyly shyǵý múmkin bolmaǵan. «Drager» apparatyn kıip, úıge tereze arqyly kirdik. Birinshi alty aılyq balany qutqaryp aldyq, keıin alty jasar eki qyzdy shyǵardyq, sodan keıin anasyna kómektestik».
Órt sóndirýshiler zardap shegýshilerdi dárigerlerge tapsyrdy. Qazirgi tańda balalardyń jaǵdaıy turaqty, egizderdi tekserip, úılerine jiberdi. Al, anasy men alty aılyq náreste dárigerlerdiń baqylaýynda.
