Tarbaǵataıda qar kúrt erip, respýblıkalyq joldy sý basty

SEMEI. KAZINFORM — Abaı oblysynda sý tasqyny qaýpi bar ma? QazAvtoJol osyǵan baılanysty málimdeme jasady. 

Aıta keteıik, búgin saǵat 20:00 shamasynda kún jylynyp, Tarbaǵataı taýyndaǵy qar kúrt erı bastaǵan.

Osyǵan baılanysty «Taskesken-Baqty» (QHR shekarasy) respýblıkalyq mańyzy bar avtomobıl jolynyń boıynda erigen qyzyl sý jınalǵany baıqalady.

Jınalý uzyndyǵy — 2 shaqyrym. 

Ýchaskede 7  temir-beton qubyry jáne bir kópir bar.

«Avtojolǵa táýlik boıy baqylaý júrgizilip, 10 adam, 4 tehnıka jumyldyryldy. QazAvtoJol jolshylary ýchaskeni 100 qap qummen qorshap qoıdy» deıdi kompanııadan.

Avtojolda qozǵalysqa shekteý joq.