Tarbaǵataıda eki mektep salynady
TARBAǴATAI AÝDANY. QazAqparat - Tarbaǵataı aýdanynda eki mektep salynady, dep habarlaıdy QazAqparat.
Bul týraly aýdan ákimi Ashat Smaılov málim etti. Jańa mekteptiń qurlys jumystary 2023 jyly bastalady dep josparlanyp otyr. Aqsýat aýylynda 300 oryndyq mektep-lıtseı salynady. Bul maqsatta oblystyq bıýdjetten 12,5 mln teńge bólinip joba-smeta qujattamasy ázirlenip jatyr.
«Aqsýat aýylynda 300 oryndyq mektep-lıtseı salýǵa oblystyq bıýdjetten 12,5 mln teńge bólinip, JSQ ázirlenip jatyr. Qurylys jumystary 2023 jyly bastalady. Sonymen qatar, Sheńgeldi aýylynda da 80 oryndyq mektep salýǵa salalyq qorytyndy berilip, ekonomıkalyq qortyndy alýǵa joldandy», - deıdi Ashat Smaılov.
Onyń aıtýynsha, bıyl aýdanda «Aýyl - el besigi» baǵdarlamasy aıasynda 3 mektep, 1 balabaqshaǵa kúrdeli jóndeý jumysy júrgizilip jatyr.
«Bilim berý uıymdaryn kúrdeli jóndeý, olardyń materıaldyq-tehnıkalyq bazasyn jaqsartý máseleleri sheshilýde. Jergilikti, oblystyq jáne respýblıkalyq bıýdjetterden qajetti jaǵdaılardy jasaý maqsatynda qarajat bólinýde. Atap aıtsaq 2021 jyly «Aýyl - el besigi» baǵdarlamasy aıasynda 3 mektep, 1 balabaqshanyn kúrdeli jáne aǵymdaǵy jóndeý jumystaryna 692,2 mln teńge qarjy qaralyp jumystar júrgizilýde», - aýdan ákimi.
Aıta keteıik, aýdanǵa qarasty mektepterde oqýshylardyń bilim alý barynsha qamtamasyz etildi.
«Aýdanda jalpy bilim beretin 35 orta, 4 negizgi orta, 9 bastaýysh mektepterinde 8 792 oqýshynyń bilim alýy qamtamasyz etildi. Bunyń syrtynda qosymsha bilim berý uıymdary: 2 saz mektebi, 2 óner mektebi, 1 qosymsha bilim berý ortalyǵy jumys isteıdi. Balalardy mektepke deıingi tárbıemen qamtý jáne oqytý boıynsha 28 balabaqsha men 39 shaǵyn ortalyq jumys isteıdi. 3-6 jastaǵy tirkelgen 2 571 bala 100 paıyz qamtyldy», - deıdi aýdan ákimi.
