Tarbaǵataı taýlarynda arqarlar fototuzaqqa tústi
ASTANA. KAZINFORM — Shyǵys Qazaqstan oblysyndaǵy Tarbaǵataı memlekettik ulttyq tabıǵı parki aýmaǵynda arqarlar fototuzaqqa birneshe ret túsip qalǵan, dep habarlaıdy Orman sharýashylyǵy jáne janýarlar dúnıesi komıtetiniń baspasóz qyzmeti.
Ulttyq park mamandarynyń málimetinshe, fototuzaqqa túsken kadrlardan arqarlardyń Tarbaǵataı taýlarynyń bókterinde erkin júrgenin kórýge bolady.
Arqar — Qazaqstannyń Qyzyl kitabyna engizilgen sırek kezdesetin janýarlardyń biri. Tarbaǵataı ulttyq parki onyń tabıǵı meken etý ortasyn saqtaýǵa múmkindik beretin mańyzdy aýmaqtardyń sanalady.
Jýyrda ulttyq park arqar týraly «Qyzyl kitap» aıdary aıasynda aqparat usynǵan bolatyn. Bul joly mamandar janýarlardy tabıǵı ortada beınelegen fototuzaq kadrlaryn jarııalady.
Fototuzaqtar jabaıy janýarlardyń sanyn, qozǵalysyn jáne tirshilik etý erekshelikterin baqylaýǵa múmkindik beredi. Mundaı baqylaý tabıǵı aýmaqtaǵy janýarlar dúnıesin qorǵaý jumystaryn tıimdi uıymdastyrýǵa kómektesedi.
Budan buryn Túrkistanda Qyzyl kitapqa engen eki arqardy zańsyz aýlaǵandar ustalǵanyn jazdyq.
