Tarbaǵataı tamashasy Kúngeldi gúli týraly ne bilesiz
ÚRJAR. QazAqparat – Qazir Tarbaǵataı taýynyń bókterinde altyn tústes gúlderdiń jappaı gúldep, tabıǵatqa keremet kórik beretin kezi. Osy kez - Tarbaǵataı endemıgi atalatyn Kúngeldi gúliniń de tamasha qubylatyn ýaqyty, dep habarlaıdy QazAqparat.
Tabıǵattyń tamashasyna toımaı, erekshe qurmetteıtinder úshin osy Kúngeldini azyraq tanystyrǵymyz keldi.
Bul ósimdik - Altaı kúngeldisi (Trollius altaicus). Ataýy aıtyp turǵanynda ı kúnniń kelgenin kútip, jetiletin bıpaz ósimdik. Sabaǵy qarapaıym, sırek tarmaqtalǵan, bıiktigi 80-90 sm-ge deıin. Tamyr ústi japyraqtary otyryqshy. Bıiktigi 25-30 sm býynǵa jınalǵan palma tárizdi. Gúlderi shar tárizdi, sarǵysh nemese altyn sary, syrty keıde qyzǵylt, keń jumyrtqa tárizdi, dıametri 5 sm-ge deıin, Aýmaqta ósimdik mamyr aıynyń ortasynan maýsym aıynyń ortasyna deıin gúldeıdi. Ejelden kúngeldini halyq medıtsınasynda paıdalanady. Máselen, kúngeldi gúliniń mıkrobty joıatyn qudireti bar kórinedi.
Foto mamyr aıynyń 31-i kúni Tarbaǵataı ulttyq parki aýmaǵynda túsirilgen.
