Tarbaǵataı men Aıagóz aýdandary aýmaǵynda úlkendigi kartoptaı burshaq jaýdy - ShQO
ASTANA. 20 maýsym. QazAqparat - Shyǵys Qazaqstan oblysy Tarbaǵataı aýdanynda dıametri 6-7 sm bolǵan burshaq jaýdy,
dep habarlaıdy BNews.kz tilshisi oblystyq tótenshe jaǵdaılar departamenti baspasóz qyzmetine silteme jasap.
«Tarbaǵataı aýdany Qyzyl-Kesik aýyldyq okrýgynda dıametri 6-7 sm bolǵan burshaq jaýdy. Kólikter men úılerdiń shatyry búlindi», - deıdi ShQO TJD.
Vedomstvo aqparatyna qaraǵanda, bul jerde keshe saǵat keshki alty shamasynda 20 mınýt ýaqyttaı burshaq jaýypty. Qazir oqıǵa ornyn tekserýge arnaıy komıssııa attandy. Keltirilgen shyǵyn mólsheri eseptelip jatyr. Burshaqtan ondaǵan kólikter men júzdegen baspana zardap shekken.
Aıagóz aýdanynyń Saryarqa aýylynda da osyndaı burshaq jaýdy. Tarbaǵataı aýdandyq TJB bastyǵynyń aıtýyna qaraǵanda, burshaqtyń eń kishkentaıy taýyq jumyrtqasyndaı, al úlkeniniń mólsheri kartoptaı bolǵan, dep habarlaıdy «BAQ. KZ» portaly.
