«Tarbaǵataı» memlekettik ulttyq tabıǵı parki quryldy
ASTANA. QazAqparat - Elimizdiń erekshe qorǵalatyn tabıǵı aýmaǵynda taǵy da bir ulttyq park boı kóterdi, dep habarlaıdy QazAqparat tilshisi Bul jaıynda QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Feısbýktegi paraqshasynda jazdy, dep habarlaıdy QazAqparat.
«Qazaqstan Respýblıkasy Úkimetiniń 2018 jylǵy 27 maýsymdaǵy №382 qaýlysymen Shyǵys Qazaqstan oblysy Úrjar aýdanynyń aýmaǵynda Tarbaǵataı memlekettik ulttyq tabıǵı parki quryldy. Ulttyq parktiń aýdany 143550,5 ga. Bul elimizdegi 13-shi ulttyq park», - dep jazdy ol.
Sáken Dildahmet óz jazbasynda Tarbaǵataı taýy jaıly el ishindegi bir ańyzdy jazdy.
«Kezinde Tarbaǵataı taýynda qazaq jerin jaýlap alǵan qalmaqtar meken etipti. Biraq kúndelikti bul jer damyldaýǵa, qonys qylýǵa óte jaısyz bolǵan. Qaptaǵan sýyr túni boıy aşy daýystarymen shańqyldap maza bermepti. Qalmaqtar sýyrdy «tarbyǵa», al taýdy «taı» dep ataıdy eken. Sonan osy bıikti «Sýyrlytaý» ıaǵnı «Tarbaǵataı» dep atapty», - deıdi Sáken Dildahmet.
Fotosýretti túsirgen Almas Ordabaev
