Tarbaǵataı aýdanynda 175 tonna pishen órtendi

ÓSKEMEN. QazAqparat – Shyǵys Qazaqstan oblysynyń Tarbaǵataı aýdanynda 175 tonna pishen órtendi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, Tarbaǵataı aýdanynda qutqarýshylar órtengen shópti sóndirdi.

«Órt túnde Ekpin aýylyndaǵy sharýa qojalyqtarynyń birinde shyqqan. Tilsiz jaý 175 tonna pishendi sharpydy. Otty aýyzdyqtaýǵa jeke quramnan 8 adam, 3 órt sóndirý kóligi men sharýa qojalyǵynan 1 traktor jumyldyrylǵan. Búgin saǵat 7.52-de órt oqshaýlandy», - dep habarlady vedomstvo ókilderi.

Qazirgi ýaqytta mamandar oqıǵa ornynda jumys istep júr. Órttiń qaıdan, qalaı shyqqany anyqtalyp jatyr.