Taraz–Shymkent jolyndaǵy Kúıik asýynda kólik qozǵalysy 7 kúnge shekteledi
ASTANA. KAZINFORM — «QazAvtoJol» UK» AQ respýblıkalyq mańyzy bar Taraz — Shymkent avtojolynyń 546–557 shaqyrymdaǵy «Eski Kúıik asýynda» kólik qozǵalysy ýaqytsha shekteletinin habarlady.
Shekteý 2026 jylǵy 28 qyrkúıek pen 4 qazan aralyǵynda qoıylady. Bul ýchaskede jol jóndeý jumystary júrgiziledi.
— Osy kezeńde Tarazdan Qarataý baǵytyna qatynaıtyn kólikter oblystyq mańyzy bar «Taraz — Asa — Aqkól — Saýdakent» jáne «Asa — Qarabastaý» avtojoldary arqyly ótedi. Shymkentten Taraz baǵytyna qaraı júretin aýyr júk kólikteri úshin qozǵalys «Jańa Kúıik asýy» arqyly uıymdastyrylady. «QazAvtoJol» júrgizýshilerden ýaqytsha shekteýlerdi eskerip, sapar baǵytyn aldyn ala josparlaýdy, jol belgileriniń talaptary men Jol júrisi qaǵıdalaryn saqtaýdy suraıdy, — delingen habarlamada.
Aıta keteıik, respýblıkalyq avtojoldardyń jaı-kúıi men qoldanystaǵy qozǵalys shekteýleri týraly ózekti aqparatty táýlik boıy jumys isteıtin 1403 baılanys ortalyǵynan alýǵa bolady.
Budan buryn Astanadaǵy Tóle bı kóshesiniń taǵy bir bóliginde qozǵalys shekteletini týraly jazǵanbyz.
