Tarazǵa iri kólemde esirtki jetkizbek bolǵan kúdikti ustaldy
Jambyl oblysy PD esirtki qylmysyna qarsy is-qımyl basqarmasynyń qyzmetkerleri aldyn ala uıymdastyrylǵan arnaıy operatsııa barysynda esirtki zattaryn ótkizetin taǵy bir arnanyń jolyn kesti.
13 qańtarda Merki aýdanynyń 48 jastaǵy turǵyny ustaldy. Ol Taraz qalasyna iri kólemde esirtki jetkizýdi josparlaǵan. Kúdiktiniń turǵylyqty jeri boıynsha jedel-izdestirý is-sharalaryn júrgizý kezinde jertóleden jalpy salmaǵy 5 keli 864 gramm gashısh jáne 1 keli 280 gramm keptirilgen marıhýana tabyldy. Sondaı-aq, jeke basyn tintý barysynda kúdiktiden salmaǵy 14 gramm gashısh tárkilendi.
«Tárkilengen esirtki zattary – 5 keli 878 gramm gashısh pen 1 keli 280 gramm marıhýana. Atalǵan derekke qatysty QR QK-niń 297-babynyń 3-bóligi (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha sotqa deıingi tergeý amaldary bastaldy», - dep habarlady oblystyq PD esirtki qylmysyna qarsy is-qımyl basqarmasynyń bastyǵy Álim Bajyqbaev.
Kúdiktiniń múlki tárkilenip, 10 jyldan 15 jylǵa deıingi merzimge bas bostandyǵynan aıyrý túrindegi jaza qarastyrylýy múmkin.
Foto: polisia.kz
