Tarazdyń úsh turǵyny monshada ys tıip qaza boldy
TARAZ. QazAqparat - Tarazda monsha peshiniń aqaýy saldarynan qaıǵyly oqıǵa boldy, dep habarlaıdy «QazAqparat» HAA tilshisi.
«28 qańtar kúni saǵat 18:00-de Taraz qalasynda jeke úıdegi monshada tabıǵı gazben jumys isteıtin peshtiń aqaýy saldarynan úsh azamat ystan ýlanyp, qaza tapty. Taǵy bir turǵyn aýrýhanaǵa jetkizildi», - dep habarlady Jambyl oblystyq TJD baspasóz qyzmeti.
1984, 1980 jáne 1964 jylǵy turǵyndar qaza tapqan, al 58 jastaǵy oblys ortalyǵynyń turǵyny qazir aýrýhanada jatyr.
«Bul jańa jylý maýsymy bastalǵaly bolǵan 15-shi qaıǵyly oqıǵa. Sondaı-aq, 14 adam aýrýhanaǵa jetkizilse, altaýy qaza tapqan», - dep túsindirdi baspasóz qyzmetiniń basshysy Sáýle Muńataeva.
Sarapshylardyń qorytyndysy boıynsha, barlyq jaǵdaıdyń sebebi birdeı - tútindiktegi aqaý, dep túıindedi vedomstvonyń baspasóz qyzmeti.
