Tarazdyń tórt turǵynynan 29 keli keptirilmegen marıhýana tárkilendi
Kóliktegi polıtsııa departamentiniń qyzmetkerleri 26 shildede «Qarasora-2023» jedel aldyn alý is-sharasyn ótkizý barysynda, qyzmettik-izdestirý ıtimen Túrksib stantsııasynyń ótkelinde «Mazda» avtokóligin toqtatty. Kólikte 39 jastaǵy kólik júrgizýshisi jáne Taraz qalasynyń 3 turǵyny boldy. Tekserý kezinde avtokóliktiń júksalǵyshynan erekshe ıisi bar ósimdik tektes zat tabylyp, tárkilendi.
Saraptama qorytyndysyna sáıkes, tárkilengen zat jalpy salmaǵy 29 keli 140 gramm, ıaǵnı asa iri kólemdegi keptirilmegen marıhýana bolyp shyqty.
QR Qylmystyq kodeksiniń 296-baby 4-bóligi (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha sotqa deıingi tergep-tekserý bastaldy. Qazirgi ýaqytta sot ustalǵandarǵa qatysty 2 aı merzimge qamaýda ustaý túrindegi bultartpaý sharasyna sanktsııa berdi, tergeý amaldary júrgizilip jatyr. Іs boıynsha ózge de málimetter QR QPK-niń 201-babynyń talaptaryna sáıkes, tergeý múddesine oraı jarııa etilýge jatpaıdy.
