Tarazdyqtar senbilik barysynda tórt myń aǵash kóshetin otyrǵyzdy
TARAZ. QazAqparat – Jambyl oblysynda qala aýmaǵyn abattandyrý, kógaldandyrý jáne sanıtarlyq tazalaý boıynsha kóktemgi eki aılyq bastaldy, dep habarlaıdy QazAqparat Jambyl oblysy ákiminiń baspasóz qyzmetine silteme jasap.
14 naýryz, senbi kúni tarazdyqtar tańerteńnen bastap B. Momyshuly atyndaǵy «Jeńis» saıabaǵyna jınala bastady. Mundaǵy jalpy qalalyq senbilikke aımaq basshysy Berdibek Saparbaev, oblystyq jáne qalalyq ardagerler keńesiniń músheleri,qoǵamdyq keńesterdiń, jastar jáne volonterlik uıymdardyń basshylary men ókilderi qatysty.
- Biz árqaısymyz óz aýlamyzdy, kósheni, qalany, aýdandy taza ustaýǵa tyrysýymyz qajet. Abattandyrý boıynsha senbilikter dástúrge aınalý kerek. Tek aýmaqty tazalaý jáne aǵash otyrǵyzýmen shektelmeı, otyrǵyzylǵan jasyl jelekterdi kútip- baptaý jumystaryn da júıeli túrde júrgizip otyrǵan durys. Mundaı senbilikterdiń óskeleń urpaq úshin tárbıelik mańyzy zor. Turǵyndardyń óz balalaryn osynaý ıgi iske tartyp, tártip pen tazalyqqa baýlyp jatqandary qýantady. Jaılylyq pen tárptipti birge ornataıyq! - Berdibek Saparbaev atap ótti.
Bul kúngi senbilikter Taraz qalasyndaǵy oblys ákimdigi ǵımaratynyń, Qazaq handyǵynyń monýmenti janynda, «Áýlıe-ata» áýejaıy aýmaǵynda, Nıetqalıev, Súleımenov jáne basqa da kósheler boıynda ótti. Senbilikke qatysýshylardy «Jasyl El - Taraz» JShS barlyq qajetti jabdyqtarmen qamtamasyz etti.
Eki aılyq is-sharalar osy jyldyń 1 naýryzynan bastap 1 mamyrǵa deıin jalǵaspaq. Bul oraıda qalanyń ortalyq bólikteri, magıstraldy kósheler men saıabaqtar, oblys ortalyǵynyń shaǵyn aýdandary ártúrli mekemelerge, kásiporyndar men kásipkerlik nysandaryna arnaıy bekitilgen. Mundaı jumystar oblystyń barlyq aýdandarynda júrgizilýde.
Aıta keteıik, bul kúni oblys ortalyǵynda 225 qaıyń kósheti, 2900 úıeńki , 150 akatsııa, 800 Shaǵan aǵashy, sondaı – aq birneshe ondaǵan qaraǵaı, magnolııa kóshetteri, jalpy alǵanda tórt myńnan astam jańa aǵashtar otyrǵyzyldy.
